గతంలో చంద్రబాబు కమీషన్లకు కక్కుర్తి పడ్డారు: విజయసాయి రెడ్డి

సోలార్‌ పవర్‌ రూ.2.80కే సరఫరా చేయడానికి ఎన్టీపీసీ, సోలార్‌ ఎనర్జీ కార్పొరేషన్ లు ముందుకొచ్చాయని వైసీపీ ఎంపీ విజయసాయి రెడ్డి తెలిపారు. గతంలో టీడీపీ అధినేత చంద్రబాబు నాయుడు కమీషన్లకు కక్కుర్తిపడడం మూలంగానే ధర అధికంగా ఉండేదని ఆరోపించారు.

‘సోలార్‌ పవర్‌ రూ.2.80కే సప్లై చేయడానికి ఎన్టీపీసీ, సోలార్‌ ఎనర్జీ కార్పొరేషన్ ముందుకొచ్చాయి. గతంలో కమీషన్లకు కక్కుర్తిపడి చంద్రబాబు నాయుడు.. యూనిట్‌ రూ.5 చొప్పున ప్రైవేట్‌ సంస్థలతో పీపీఏలు కుదుర్చుకుని రాష్ట్రంపై పెను భారం మోపాడు. అందుకే వాటి నిగ్గు తేల్చాలని సీఎం జగన్ గారు పట్టుబట్టారు’ అని విజయసాయి రెడ్డి ట్వీట్ చేశారు.
Tags: vijaya sai reddy, chandrababu naidu, solar energy corp, ntpc

ఆరోగ్య శ్రీ కొత్త రూల్స్.. మధ్యతరగతికి బంపరాఫర్

ఆరోగ్యశ్రీ పథకాన్ని మరింత బలోపేతం చేస్తూ మార్గ దర్శకాలు
వార్షిక ఆదాయం రూ.5 లక్షల వరకు ఉన్న వారికి పథకం వర్తింపు
గౌరవ వేతనం పొందుతున్న ఉద్యోగులూ అర్హులే

ఆంధ్రప్రదేశ్ లో వైఎస్సార్‌ ఆరోగ్యశ్రీ పథకాన్ని మరింత బలోపేతం చేస్తూ వైసీపీ ప్రభుత్వం మరో నిర్ణయం తీసుకుంది. ఈ పథక విస్తరణకు సంబంధించిన మార్గదర్శకాలను ఈ రోజు విడుదల చేసింది. దీని ప్రకారం వార్షిక ఆదాయం రూ.5 లక్షల వరకు ఉన్న వారికి కూడా ఈ పథకం వర్తిస్తుంది. కుటుంబంలో ఒక కారు ఉన్నవారు కూడా ఈ పథకం ద్వారా లబ్ధి పొందవచ్చు. అయితే, కుటుంబంలో ఒక కారు కన్నా ఎక్కువగా ఉంటే పథకానికి అనర్హులు.

అన్ని రకాల రేషన్ కార్డులు, వైఎస్సార్ పింఛన్ కార్డు, జగనన్న విద్య అర్హత ఉన్న కుటుంబాలూ ఈ పథకానికి అర్హులు. అలాగే, ఆరోగ్యశ్రీ ప్రయోజనాలను 12 ఎకరాల కన్నా తక్కువ మాగాణీ లేక 35 ఎకరాల కన్నా తక్కువ మెట్ట భూమి ఉన్న భూ యజమానులూ పొందొచ్చు. ప్రభుత్వ రంగంలో పని చేస్తూ గౌరవ వేతనం పొందుతున్న ఉద్యోగులు, ప్రైవేటు ఉద్యోగులను ఏపీ ప్రభుత్వం ఈ పథకానికి అర్హులుగా ప్రకటించింది.
Tags: Jagan, YSRCP, Andhra Pradesh, arogyasree

అలా చేస్తే జగన్‌కు నేను మద్దతిస్తా.. పవన్ ఆసక్తికర వ్యాఖ్యలు

అలా చేస్తే జగన్‌కు నేను మద్దతిస్తా.. పవన్ ఆసక్తికర వ్యాఖ్యలు

ఏపీ ముఖ్యమంత్రి జగన్‌మోహన్‌రెడ్డిపై మరోసారి విరుచుకుపడ్డారు జనసేన అధినేత పవన్ కళ్యాణ్. రాజధాని, భవన నిర్మాణ కార్మికుల విషయంలో జగన్‌ను టార్గెట్ చేశారు. వైఎస్సార్‌సీపీ ప్రతిపక్షంలో ఉన్నప్పుడు అమరావతికి అంగీకరించలేదా అని ప్రశ్నించారు పవన్. అసెంబ్లీలో ఏకగ్రీవ తీర్మానం చేశారని.. ఇప్పుడు అధికారంలోకి రాగానే ప్రతిపక్షనేత చంద్రబాబుపై కోపంతో నిర్మాణాలు ఆపేశారని ధ్వజమెత్తారు. రాజధానికి అన్ని భూములు అవసరం లేదనుకుంటే.. 30 వేల ఎకరాల్లో కాకుండా 5 వేల ఎకరాల్లో రాజధాని కట్టొచ్చన్నారు. రాజధానిపై జగన్ సర్కార్ వీలైనంత త్వరగా నిర్ణయం తీసుకుంటే మంచిదన్నారు.

ఇక జగన్ రాజధాని పులివెందులలో పెట్టాలనుకుంటే.. ప్రజామోదంతో అదైనా చేయొచ్చన్నారు జనసేనాని. తాము కూడా మద్దతు ఇచ్చేందుకు సిద్ధమంటూ చురకలంటించారు పవన్. తాను మాట్లాడితే శాపనార్దాలు పెడతానని అంటున్నారని.. తాను వ్యక్తిగతంగా ఎవర్నీ విమర్శించనని.. తప్పుడు విధానాలపైనే ప్రశ్నిస్తున్నానని చెప్పారు. రాష్ట్రంలో 50 మంది కార్మికులు చనిపోతే మాట్లాడకుండా ఉండాలా అంటూ ప్రశ్నించారు.

ప్రజలను చంపేస్తుంటే మేం మౌనంగా ఉండిపోవాలా.. పవన్. వైఎస్సార్‌సీపీకి 151 సీట్లు ఇచ్చినందుకు ఇలా చేస్తారా అంటూ ప్రశ్నించారు. కొత్త పాలసీ పేరుతో ఇబ్బందులు పెడుతున్నారని.. భవన నిర్మాణ కార్మికుల ఆకలి ప్రభుత్వానికి తెలిపేందుకు డొక్కా సీతమ్మ ఆహార శిబిరాలు ఏర్పాటు చేశామని చెప్పారు జనసేన అధినేత.
Tags: ys jagan, pawan kalyan, ysrcp party, amaravathi

గడువు ముగిసినా… టీఎస్ ఆర్టీసీ విధుల్లో చేరింది 360 మందే!

  • 33వ రోజుకు చేరిన ఆర్టీసీ సమ్మె
  • విధుల్లో చేరిన 200 మంది బస్ భవన్ సిబ్బంది
  • కొనసాగుతున్న కార్మికుల నిరసనలు

మంగళవారం రాత్రిలోగా విధుల్లో చేరకుంటే తెలంగాణ ఆర్టీసీ కార్మికులు ఉద్యోగాలను పోగొట్టుకున్నట్టేనని ప్రభుత్వం డెడ్ లైన్ పెట్టినా, కార్మికులు మాత్రం బెట్టు వీడలేదు. అర్థరాత్రి దాటే సమయానికి దాదాపు 50 వేల మంది ఉద్యోగుల్లో కేవలం 360 మంది మాత్రమే విధుల్లోకి చేరుతామని చెబుతూ లేఖలు అందించారు. వీరిలో డ్రైవర్లు, కండక్టర్ల బదులు హైదరాబాద్ బస్ భవన్ లోని పరిపాలనా సిబ్బందే అత్యధికులు ఉండటం గమనార్హం. ఈ సిబ్బందిలోనే 200 మంది వరకూ విధుల్లో చేరారు.

గ్రేటర్ హైదరాబాద్ పరిధిలో 62 మంది, హైదరాబాద్ జోన్ లో 31 మంది, ఇతర డిపోల్లో మిగతావారు విధుల్లోకి చేరేందుకు ముందుకు వచ్చారు. ఇక ఆర్టీసీ సమ్మె నెల రోజులకు పైగా కొనసాగుతుండటంతో ప్రజలు తీవ్ర ఇబ్బందులు పడుతున్నారు. పూర్తి స్థాయిలో బస్సులు తిరగకపోవడంతో తమ గమ్యస్థానానికి చేరలేకపోతున్నారు. సమ్మెను కొనసాగిస్తున్న ఆర్టీసీ కార్మికులు వివిధ ప్రాంతాల్లో నిరసన ప్రదర్శనలు, మానవహారాలు చేపట్టారు. నేటితో సమ్మె 33వ రోజుకు చేరగా, కార్మికులు సైతం సమ్మెను విరమించేది లేదని భీష్మించుకుని కూర్చున్నారు.
Tags: TSRTC Employees, Strike, rejoining atart in rtc

LV Subrahmanyam, Chandrababu, Jagan TDP YSRCP

అన్నా అంటూ తియ్యగా పిలిచి… క్లర్క్ మాదిరి బదిలీ చేశారు: చంద్రబాబు

  • పోలీసు అధికారులకు చంద్రబాబు హెచ్చరిక
  • ఎల్వీ సుబ్రహ్మణ్యం పరిస్థితే మీ అందరికీ వస్తుంది
  • నంగనాచి మాటలు చెప్పే వారిని నమ్మొద్దు
  • ప్రభుత్వంలో ఉన్నవారి దుర్మార్గాల్లో భాగస్వాములు కావొద్దు

ఏపీ ప్రభుత్వ ప్రధాన కార్యదర్శి ఎల్వీ సుబ్రహ్మణ్యం బదిలీ అంశం సంచలనం రేపిన సంగతి తెలిసిందే. ఈ అంశంపై చంద్రబాబు మాట్లాడుతూ, ముఖ్యమంత్రి జగన్ పై విమర్శలు గుప్పించారు. జగన్ సీఎం అయిన కొత్తలో ఎల్వీ సుబ్రహ్మణ్యం అన్నా, గౌతం అన్నా అంటూ తియ్యతియ్యగా పిలిచారని… నాలుగు రోజులు తిరక్కుండానే ఓ క్లర్క్ మాదిరి బదిలీ చేశారంటూ విమర్శించారు. ఎల్వీ సుబ్రహ్మణ్యంను బాపట్లకు బదిలీ చేయడానికి ముందే… అక్కడ ఎవరూ లేకుండా అధికారులను పీకేశారని చెప్పారు. నంగనాచి మాటలు చెప్పే వారిని ఎవరూ నమ్మవద్దని సూచించారు. నమ్మి చెప్పిన పని చేసిన వారిని ఇప్పటికే ఒకసారి జైలుపాలు చేశారని… మళ్లీ నమ్మితే, ఇదే పరిస్థితి మళ్లీ తలెత్తుతుందని చెప్పారు.

ప్రభుత్వంలో ఉన్నవారు చెప్పారని, వారి దుర్మార్గాల్లో భాగస్వాములు కావద్దని పోలీసు అధికారులకు విన్నవిస్తున్నానని చంద్రబాబు అన్నారు. ఏదైనా తేడా వస్తే ఎల్వీ సుబ్రహ్మణ్యానికి వచ్చిన పరిస్థితే మీకూ వస్తుందని చెప్పారు. కేసులు పెట్టాలంటూ అధికారులను ఉసిగొల్పుతున్నారని… వారు అలా చేయరనే తాను భావిస్తున్నానని తెలిపారు. ఎల్వీ సుబ్రహ్మణ్యం టీడీపీకి నష్టమే చేశారని… అయినా, ఆయన పట్ల టెర్రరిస్టుల మాదిరి వ్యవహరిస్తే మాట్లాడకుండా ఎలా ఉండగలమని చెప్పారు.
Tags: LV Subrahmanyam, Chandrababu, Jagan TDP YSRCP

closed deadline, tsrtc strike deadline, kcr transport minister meeting

ముగిసిన డెడ్ లైన్.. ఆర్టీసీ ఉన్నతాధికారులతో కేసీఆర్ భేటీ

  • విధుల్లో చేరేందుకు విధించిన డెడ్ లైన్ ను పట్టించుకోని ఆర్టీసీ ఉద్యోగులు
  • రవాణాశాఖ మంత్రి, ఉన్నతాధికారులతో కేసీఆర్ సమీక్ష
  • కీలక నిర్ణయం తీసుకునే అవకాశం

తిరిగి ఉద్యోగాల్లో చేరేందుకు ఆర్టీసీ ఉద్యోగులకు ముఖ్యమంత్రి కేసీఆర్ విధించిన గడువు నిన్న అర్ధరాత్రితో ముగిసింది. ప్రభుత్వ డెడ్ లైన్ ను ఆర్టీసీ ఉద్యోగులు పట్టించుకోలేదు. రాష్ట్ర వ్యాప్తంగా కేవలం 373 కార్మికులు మాత్రమే విధుల్లో చేరినట్టు సమాచారం.

ఈ నేపథ్యంలో, ఆర్టీసీ సమ్మెపై ప్రగతి భవన్ లో రావాణాశాఖ మంత్రి పువ్వాడ అజయ్, ఆర్టీసీ, రవాణాశాఖ ఉన్నతాధికారులతో కేసీఆర్ సమావేశమయ్యారు. సమ్మె నేపథ్యంలో ప్రత్యామ్నాయ ఏర్పాట్లు, హైకోర్టు ముందు ఉంచాల్సిన అంశాలపై సమీక్ష నిర్వహిస్తున్నారు. ప్రజలకు ఇబ్బంది తలెత్తకుండా తీసుకోవాల్సిన చర్యలపై చర్చిస్తున్నారు. ఈ సమావేశంలో కీలక నిర్ణయం తీసుకునే అవకాశం ఉన్నట్టు తెలుస్తోంది.
Tags: closed deadline, tsrtc strike deadline, kcr transport minister meeting

CPI Narayana, KCR TRSRTC Strike, Telangana, slams

తలకిందులుగా తపస్సు చేసినా కేసీఆర్ ఆ పని చేయలేరు: సీపీఐ నారాయణ

  • ఆర్టీసీని కేసీఆర్ ప్రైవేటు పరం చేయలేరు
  • కేసీఆర్ ధోరణి వల్లే కార్మికులు సమ్మె బాట పట్టారు
  • కార్మికుల డిమాండ్లు న్యాయ సమ్మతమైనవి

ముఖ్యమంత్రి కేసీఆర్ అహంకారపూరిత ధోరణి, ఆయన చేసిన తప్పిదం వల్లే ఆర్టీసీ కార్మికులు సమ్మెబాట పట్టారని సీపీఐ నేత నారాయణ అన్నారు. ఆర్టీసీ కార్మికుల డిమాండ్లు న్యాయ సమ్మతమైనవని చెప్పారు. సమ్మె నోటీసు ఇచ్చిన తర్వాత వారితో కేసీఆర్ చర్చలు ఎందుకు జరపలేదని ప్రశ్నించారు.

కార్మికుల సమ్మె విషయంలో కేసీఆర్ పై కేసు నమోదు చేయాలని డిమాండ్ చేశారు. కేసీఆర్ తలకిందులుగా తపస్సు చేసినా… ఆర్టీసీని ప్రైవేటు పరం చేయలేరని వ్యాఖ్యానించారు. తక్షణమే ఆర్టీసీ కార్మికులతో చర్చలు జరపాలని డిమాండ్ చేశారు.
Tags: CPI Narayana, KCR TRSRTC Strike, Telangana, slams

second india capital city

తెరపైకి రెండో రాజధాని!

దేశ రాజధాని ఢిల్లీని పొల్యూషన్​వెంటాడుతున్న దృష్ట్యా మరోసారి రెండో రాజధాని అంశం తెరమీదికి వచ్చింది. కాలుష్యం వల్ల అక్కడ ఉండలేకపోతున్నామని, పరిపాలనను విస్తరిస్తే ఢిల్లీలో జనసాంద్రత తగ్గి సమస్యకు కొద్దోగొప్పో పరిష్కారం దొరుకుతుందన్న అభిప్రాయాలు వ్యక్తమవుతున్నాయి. పైగా ఇప్పుడున్న రాజధాని ఉత్తరాది వారికి మాత్రమే అనువుగా ఉందని, దక్షిణాదికి చాలా దూరంగా ఉందని నిపుణులు అంటున్నారు. ఉత్తరాదికి, దక్షిణాదికి కనెక్టివిటీ పెరగాలంటే.. ఢిల్లీతో పాటు దక్షిణాది రాష్ట్రాల్లో ఏదో ఒక నగరంలో సెకండ్​ క్యాపిటల్​ ఏర్పాటు చేయాలన్న డిమాండ్​ వినిపిస్తోంది. ఇందులో హైదరాబాద్​తోపాటు చెన్నై, బెంగళూరు, అమరావతి వంటి నగరాలపై ప్రధానంగా చర్చ నడుస్తోంది.

ప్రపంచంలోనే అత్యంత కాలుష్య నగరాల జాబితాలో ఢిల్లీ అగ్రస్థానంలో ఉంది. ఇటీవల ఎయిర్​ పొల్యూషన్​ మరింత పెరిగింది. కేంద్ర, రాష్ట్ర ప్రభుత్వాలు ఎన్ని చర్యలు చేపట్టినా పెద్దగా ఫలితం కనిపించడం లేదు. దేశ రాజధాని కావడంతో వివిధ రాష్ట్రాల నుంచి జనం ఢిల్లీకి వచ్చి నివసిస్తున్నారు. దేశ పరిపాలన వ్యవస్థతోపాటు సుప్రీంకోర్టు,   ఇతర ప్రధాన ప్రభుత్వ ఆఫీసులన్నీ అక్కడే ఉన్నాయి. ఫలితంగా రాజకీయ నాయకులు, అధికారులు ఢిల్లీలో ఉండటమో.. వచ్చిపోవడమో చేస్తుంటారు. ప్రస్తుతం పొల్యూషన్​ కారణంగా ఇతర ప్రాంతాల నుంచి ఢిల్లీకి వెళ్లాలంటేనే జనం జంకుతున్నారు. తామూ ఉండలేకపోతున్నామని ఢిల్లీ వాసులు అంటున్నారు. ప్రతి చలికాలంలో ఢిల్లీని ఎయిర్​ పొల్యూషన్​ తీవ్రంగా వేధిస్తోంది.

సమ్మర్​లో విపరీతమైన ఉష్ణోగ్రతలు కూడా సమస్యగానే మారాయి. పొల్యూషన్​ కంట్రోల్​చేయాలన్నా.. పరిపాలను విస్తరించాలన్నా దేశానికి సెకండ్​ క్యాపిటల్ అవసరమన్న అభిప్రాయాలు వినిపిస్తున్నాయి. సోషల్​ మీడియాలో జోరుగా చర్చలు నడుస్తున్నాయి. ఇదే అంశాన్ని కాంగ్రెస్​ నేత అభిషేక్​ సింఘ్వి ప్రస్తావించారు. జార్ఖండ్​లోని రాంచీ లేదా ఏపీలోని అమరావతిని దేశానికి సెకండ్​ క్యాపిటల్​గా చేయాలని ఆయన అభిప్రాయపడ్డారు. కొందరైతే  ఢిల్లీలో పొల్యూషన్​ సమస్య పోవాలంటే పూర్తిగా దేశరాజధానిని అక్కడి నుంచి షిఫ్టు చేయాలని అంటున్నారు. దేశ రాజధాని కావడంతో ఢిల్లీలో జనసాంద్రత పెరిగిపోతోందని, ఫలితంగా పొల్యూషన్​ను కంట్రోల్​ చేయడం పెను సమస్యగా మారిందని చెబుతున్నారు. ఇండోనేషియా వంటి దేశాలు కూడా రాజధానులను షిఫ్టు చేస్తున్నాయని అంటున్నారు.

ప్రపోజల్స్​లోని నగరాలు:

సెకండ్​ క్యాపిటల్​గా దక్షిణాదిలోని హైదరాబాద్, చెన్నై, బెంగుళూరు, వైజాగ్​, అమరావతి నగరాలను పరిశీలించాలన్న వాదన ప్రధానంగా వినిపిస్తోంది.  అదేవిధంగా మధ్యప్రదేశ్​లోని భోపాల్, మహారాష్ట్రలోని నాగ్​పూర్​, ముంబై, చత్తీస్​గఢ్​లోని రాయ్​పూర్​ వంటి నగరాల పేర్లు కూడా చర్చకు వస్తున్నాయి. అయితే.. చెన్నై, వైజాగ్​, అమరావతి నగరాలు కోస్టల్​ ఏరియాకు దగ్గరగా ఉండటంతో తుఫాన్లు, భూకంపాల బెడద ఉంటుందని నిపుణులు అభిప్రాయపడుతున్నారు. పైగా చెన్నైతోపాటు బెంగళూరు నగరాలు ఓ మూలకు ఉంటాయని, ఇతర రాష్ట్రాలతో వాటికి అంత కనెక్టివిటీ ఉండదని, అవి కంజెస్టెడ్​ ఏరియాలని అంటున్నారు. భోపాల్​ పేరు పరిశీలనలో ఉన్నప్పటికీ అది ఉత్తరాదికే దగ్గరగా ఉంటుందని, అక్కడ  సెకండ్​ క్యాపిటల్​సిటీ ఏర్పాటు చేస్తే దక్షిణాదికి ప్రయోజనం ఉండదని చెబుతున్నారు.

ముంబై విషయానికి వస్తే అది కూడా చాలా కంజెస్టెడ్​గా ఉంటుందని, ఇప్పటికే అది ఆర్థిక రాజధాని కావడంతో అక్కడ సెకండ్​ క్యాపిటల్​కు అవకాశం లేదని అభిప్రాయపడుతున్నారు. రాయ్​పూర్​ నక్సల్స్​ ప్రభావిత ప్రాంతమని, అక్కడ సెకండ్​ క్యాపిటల్​ చాన్స్​ లేదని చెబుతున్నారు. నాగ్​పూర్​ విషయానికి వస్తే.. అక్కడ వేసవి కాలంలో విపరీతంగా వేడి ఉంటుందని, ఏటా 50 నుంచి 60 రోజులు వడగాడ్పులు వీస్తాయని అంటున్నారు. హైదరాబాద్​కు తుఫాన్లు, భూకంపాల ముప్పు లేదని, ఉత్తరాదితో కనెక్టివిటీకి అనుకూలంగా ఉంటుందని, పైగా విస్తారమైన భూములు కూడా ఉన్న ప్రాంతమన్న చర్చ నడుస్తోంది. రాష్ట్రపతికి ఢిల్లీలోనే కాకుండా అటు సిమ్లాలో, ఇటు హైదరాబాద్​లో రాష్ట్రపతి నిలయాలు ఉన్నాయి. ఏటా చలికాలంలో  రాష్ట్రపతి హైదరాబాద్​లో ఉంటారు. ఇవన్నింటి దృష్ట్యా  సెకండ్​ క్యాపిటల్​ సిటీ ప్రపోజల్స్​లో హైదరాబాద్​పై  ప్రధానంగా చర్చ నడుస్తోంది. తెలంగాణ ఉద్యమ సమయంలో కూడా ఇదే అంశం తెరమీదికి వచ్చింది.

ఏపీ పంచాయితీ ఎన్నికలకు ముహూర్తం ఫిక్స్

ఇక ఏపీలో మరో అంకానికి రంగం సిధ్ధం అయ్యింది. ఇక ఏప్పుడేప్పుడా అని ఎదురు చూస్తున్న స్థానిక ఏన్నికలకు రంగం సిధ్ధం అయ్యింది. ఇక ఇప్పుడు రాష్ట్రంలో జరిగే గ్రామ స్థాయి ఏన్నికలు రాబోతున్నాయి.ఇక హైకోర్ట్ కి రాష్ట్ర ప్రభుత్వం కూడా క్లారీటి ఇచ్చింది.రాష్ట్రంలోని స్థానిక సంస్థలకు మూడు నెలల్లోగా ఎన్నికలు నిర్వహిస్తామని రాష్ట్ర ప్రభుత్వం హైకోర్టుకు తెలిపింది. ఈ మేరకు అడ్వకేట్‌ జనరల్‌ ఎస్‌.శ్రీరాం హైకోర్టుకు స్పష్టం చేశారు.

అయితే, ఈ విషయాన్ని సంబంధిత ఉన్నతాధికారి ద్వారా కౌంటర్‌ అఫిడవిట్‌ దాఖలు చేయించాలని ఆదేశించిన హైకోర్టు.. తదుపరి విచారణను నవంబరు 18కి వాయిదా వేసింది. విజయవాడకు చెందిన ఎ.వేణుగోపాలకృష్ణమూర్తి దాఖలు చేసిన పిల్‌పై బుధవారం ప్రధాన న్యాయమూర్తి నేతృత్వంలోని ధర్మాసనం ముందు విచారణ జరిగింది. ఇదిలావుంటే, స్థానిక సంస్థల ఎన్నికల్లో 59.85ు రిజర్వేషన్లు అమలు చేయనున్నట్టు పురపాలక పట్టణాభివృద్ధి మంత్రి బొత్స సత్యనారాయణ తెలిపారు.

బీసీలకు 34ు, ఎస్సీలకు 19.08ు, ఎస్టీలకు 6.77ు కోటా ఉంటుందని చెప్పారు. ఇక ఇప్పుడు ప్రతి పక్షాలు కూడా ఏన్నికలకు సిధ్ధం అవుతాయి అనడంలో ఏటువంటీ సందేహం లెదు. ఇక ప్రభుత్వం పై ప్రజలు వ్యతిరేకంగా వున్నారు అని చెప్పడానికి వీలుంటుంది అని ఇప్పుడు ప్రతిపక్షాలు భావిస్తున్నాయి.

Tags: panchayat, elections, november 18th, AP panchayath elections 2019

reliance industries, dtep bsck to AP, investment in ap

ఆంధ్రప్రదేశ్ నుంచి రిలయన్స్, పలు టాప్ కంపెనీల వెనక్కి

ఆంధ్రప్రదేశ్‌లో భారీ పెట్టుబడులు పెట్టేందుకు రిలయన్స్ ఇండస్ట్రీస్ తెలుగుదేశం ప్రభుత్వం హయాంలో రెండు ఒప్పందాల్ని కుదుర్చుకుంది. ఇందులో ఒకదాని నుంచి రిలయన్స్ వైదొలగనున్నట్లుగా ప్రచారం జరుగుతోందని వార్తలు వస్తున్నాయి. తిరుపతి సమీపంలో రూ.15 వేల కోట్లతో ఏర్పాటు చేయదలిచిన ఎలక్ట్రానికి పరికరాల మ్యానుఫ్యాక్చరింగ్ ప్లాంట్ ఆలోచనను విరమించుకుందట. చంద్రబాబు ప్రభుత్వం ఈ ప్లాంట్ కోసం అప్పుడే భూములు కేటాయించింది. ఇందులో కొన్ని కోర్టు కేసుల్లో చిక్కుకున్నాయట.

రెండింట ఓ పరిశ్రమపై వెనక్కి తగ్గిన రిలయన్స్? రూ.52 వేల కోట్లతో ఏపీలో రెండు పరిశ్రమలు ఏర్పాటు చేయడానికి గత టీడీపీ ప్రభుత్వం, రిలయన్స్ మధ్య ఎంవోయులు కుదిరాయి. వాటిలో ఒకటి తిరుపతి సమీపంలో ఎలక్ట్రానిక్ పరికరాల ఉత్పత్తి పరిశ్రమ, రెండోది కాకినాడ సమీపంలో చమురు సహజవాయు నిక్షేపాలు వెలికితీసే ప్రాజెక్టు. ఇందులో తిరుపతి ఎలక్ట్రానికి పరికరాల పరిశ్రమపై ఆ కంపెనీ తగ్గిందని వార్తలు వస్తున్నాయి. కేజీ బేసిన్లో చమురు, సహజవాయు నిక్షేపాల్ని వెలికితీసేందుకు కుదుర్చుకున్న ఒప్పందాన్ని కొనసాగించేందుకు మాత్రం సుముఖంగా ఉన్నారట. గత టీడీపీ ప్రభుత్వం హయాంలో పలు ఎంవోయులు జరిగాయని వాటిలో చాలామంది ముందుకు రావడం లేదని, రిలయన్స్ పరిస్థితి అలాగే ఉందని మంత్రి గౌతమ్ రెడ్డి చెబుతున్నారట.
Tags: reliance industries, dtep bsck to AP, investment in ap