devipatnam, tragedy, boat owner ramana ,will face ,though charges

చేతులెత్తేసిన అధికారులు.. బోటు వెలికితీత చర్యలు నిలిపివేత

  • వెనుదిరిగిన నేవీ, సహాయక బృందాలు
  • కాకినాడ, ముంబై నుంచి నిపుణులను తెప్పించినప్పటికీ ఫలితం శూన్యం
  • కచ్చలూరులో 144 సెక్షన్

తూర్పుగోదావరి జిల్లాలోని కచ్చలూరు వద్ద గోదావరి నదిలో మునిగిన బోటును వెలికి తీసేందుకు చేసిన ప్రయత్నాలు విఫలమయ్యాయి. దీంతో ఆ చర్యలు నిలిపివేశారు. కాకినాడ, ముంబైల నుంచి నిపుణులను తెప్పించినప్పటికీ ప్రయత్నాలు ఫలించలేదు. దీంతో బోటు వెలికితీత పనులను అధికారులు నిలిపివేశారు.

సహాయక చర్యల్లో పాల్గొన్న నేవీ, ఎన్‌డీఆర్ఎఫ్ దళాలు, ఇతర బృందాలు కూడా ఘటనా స్థలం నుంచి వెనక్కి వెళ్లిపోయాయి. ఈ ఘటనలో ప్రాణాలు కోల్పోయిన వారిలో ఇప్పటి వరకు 35 మంది మృతదేహాలను అధికారులు వెలికితీశారు. ఇంకా 16 మంది ఆచూకీ తెలియాల్సి ఉంది. కాగా, ప్రమాదం జరిగిన కచ్చలూరు పరిసరాల్లో పోలీసులు 144 సెక్షన్ విధించారు.

చంద్రబాబు నివాసాన్ని ఖాళీ చేయాలని మరోసారి నోటీసులు

  • సంతృప్తికరంగా లేని లింగమనేని  వివరణ
  • నిబంధనలకు విరుద్ధంగా నిర్మాణం 
  • వారం రోజుల్లో నివాసాన్ని ఖాళీ చేయాలని నోటీసులు

ఉండవల్లిలో మాజీ ముఖ్యమంత్రి చంద్రబాబు ఉంటున్న నివాసాన్ని వారం రోజుల్లో ఖాళీ చేయాలని సీఆర్డీఏ అధికారులు నోటీసులు ఇచ్చారు. ఈ నోటీసులను చంద్రబాబు నివాసం గోడకు అతికించారు. నిబంధనలకు విరుద్ధంగా నిర్మించారని నోటీసులో పేర్కొన్నారు.  గతంలో ఇచ్చిన నోటీసులను కూడా ప్రస్తుత నోటీసులో సీఆర్డీఏ అధికారులు పేర్కొన్నారు.

గతంలో ఇచ్చిన నోటీసులకు ఇంటి యజమాని లింగమనేని రమేశ్ వివరణ ఇచ్చారని… అయితే ఆయన ఇచ్చిన వివరణ సంతృప్తికరంగా లేదని నోటీసులో పేర్కొన్నారు. నిబంధనలకు విరుద్ధంగా గ్రౌండ్ ఫ్లోర్, ఫస్ట్ ఫ్లోర్, స్విమ్మింగ్ పూల్ లను నిర్మించారని తెలిపారు.

రివర్స్ టెండరింగ్ అంటే చంద్రబాబుకు ఉలుకెందుకు?: మంత్రి అనిల్ కుమార్

  • పోలవరం పనులకు రివర్స్ టెండరింగ్ నిర్వహించిన ఏపీ సర్కారు
  • పోలవరం ఆపేస్తారని చంద్రబాబు అనడం హాస్యాస్పదమన్న మంత్రి
  • రివర్స్ టెండరింగ్ తో ఇవాళ రూ.50 కోట్లు ఆదా అయిందని వెల్లడి

ఏపీ ప్రభుత్వం ఇవాళ పోలవరం ప్రాజెక్టు పనుల కోసం రివర్స్ టెండరింగ్ నిర్వహించిన సంగతి తెలిసిందే. దీనిపై రాష్ట్ర జలవనరుల శాఖ మంత్రి అనిల్ కుమార్ యాదవ్ స్పందించారు. రివర్స్ టెండరింగ్ అంటే చంద్రబాబుకు ఉలుకెందుకని ప్రశ్నించారు. పోలవరం ఆపేస్తారని చంద్రబాబు ఆరోపించడం హాస్యాస్పదం అని అన్నారు.

నవంబరు నుంచి పనులు ప్రారంభిస్తామని పదేపదే చెబుతున్నామని తెలిపారు. రివర్స్ టెండరింగ్ తో ప్రభుత్వానికి కోట్ల రూపాయల మేర ఆదా అవుతుందని చెప్పారు. ఇవాళ నిర్వహించిన రివర్స్ టెండరింగ్ తో ప్రభుత్వానికి రూ.50 కోట్లు ఆదా అయిందని వివరించారు. పోలవరం నిర్వాసితులకు వచ్చే ఏడాది లోపు 25,000 ఇళ్లు కట్టిస్తామని చెప్పారు.

ప్రభుత్వ గ్రామ/వార్డు సచివాలయాల ఎంపిక కోసం జరిగినటువంటి పరీక్షలు పగడ్భంధీగా, ప్రతిష్టాత్మకంగా నిర్వహించాం: మంత్రి పెద్దిరెడ్డి రాంచంద్రారెడ్డి

  • ప్రభుత్వ గ్రామ/వార్డు సచివాలయాల ఎంపిక కోసం జరిగినటువంటి పరీక్షలు పగడ్భంధీగా, ప్రతిష్టాత్మకంగా నిర్వహించాం:రాష్ట్ర పంచాయతీరాజ్, గ్రామీణాభివృద్ధి శాఖ మంత్రి పెద్దిరెడ్డి రాంచంద్రారెడ్డి

• ప్రభుత్వ ప్రతిష్టతను దెబ్బతీయడానికి కొంతమంది చేస్తున్న ఆరోపణలు వాస్తవాలు కాదు: : పంచాయతీరాజ్, గ్రామీణాభివృద్ధి శాఖ మంత్రి పెద్దిరెడ్డి రాంచంద్రారెడ్డి

• అన్ని మీడియా ప్రతినిధులు కూడా పరీక్షల నిర్వహణను ప్రశంసించిన విషయం మనందరికీ తెలిసిందే: పంచాయతీరాజ్, గ్రామీణాభివృద్ధి శాఖ మంత్రి పెద్దిరెడ్డి రాంచంద్రారెడ్డి

• పరీక్షలు పూర్తిగా పారదర్శకంగా నిర్వహించడం జరిగింది: పంచాయతీరాజ్, గ్రామీణాభివృద్ధి శాఖ మంత్రి పెద్దిరెడ్డి రాంచంద్రారెడ్డి

• ప్రశ్నాపత్రాలు బయటకి రావడానికి అవకాశం లేదు: పంచాయతీరాజ్, గ్రామీణాభివృద్ధి శాఖ మంత్రి పెద్దిరెడ్డి రాంచంద్రారెడ్డి

Andhra Pradesh, YSRCP East Godavari, District, Birthday Celebrations, On Road, 2 HoursTraffic Jam,chitti babu

నడిరోడ్డుపై వైసీపీ ఎమ్మెల్యే కొడుకు ‘బర్త్ డే’ వేడుకలు..దుమ్మెత్తిపోసిన అంబాజీపేట ప్రజలు

  • తూర్పుగోదావరి జిల్లాలోని అంబాజీపేటలో ఘటన
  • ఎమ్మెల్యే చిట్టిబాబు తనయుడు వికాస్ నిర్వాకం
  • దుమ్మెత్తిపోసిన అంబాజీపేట ప్రజలు, స్కూలు పిల్లలు

తండ్రి ఎమ్మెల్యే.. సొంత పార్టీ అధికారంలో ఉంది… ఇంకేముంది? సదరు ఎమ్మెల్యే సుపుత్రుడు రెచ్చిపోయాడు. పుట్టినరోజు వేడుకలను ఇంట్లో చేస్తే ఏం మజా ఉంటుందిలే అనుకున్నాడేమో.. ఏకంగా నాలుగు రోడ్ల జంక్షన్ లో బర్త్ డే వేడుకలను ప్లాన్ చేశాడు. భారీగా అనుచరగణాన్ని కూడా పిలిపించుకున్నాడు. దీంతో వాహనదారులు భారీ ట్రాఫిక్ లో చిక్కుకుని 2 గంటలకుపైగా నరకం అనుభవించారు. ఈ ఘటన తూర్పుగోదావరి జిల్లాలోని అంబాజీపేటలో నిన్న రాత్రి చోటుచేసుకుంది. ఈ వేడుకలు చేసింది మాత్రం పి.గన్నవరం వైసీపీ ఎమ్మెల్యే చిట్టిబాబు తనయుడు వికాశ్ కావడం విశేషం.

నిన్న వికాస్ పుట్టినరోజు సందర్భంగా అంబాజీపేట చౌరస్తాలో భారీగా వేడుకలు ఏర్పాట్లు చేశారు. పెద్ద ఎత్తున అనుచరగణం చేరుకోగా సాయంత్రం 5 గంటలకు వేడుకలు ప్రారంభమయ్యాయి. రాత్రి 7 వరకూ సాగిన ఈ పుట్టినరోజు వేడుకల కారణంగా రోడ్డుపై భారీగా ట్రాఫిక్ స్తంభించింది. స్కూలు నుంచి ఇళ్లకు వెళ్లే పిల్లలు, వాహనదారులు, సుదూర ప్రయాణాలు పెట్టుకున్నవారు లబోదిబోమని బాధపడ్డారు. ఎంత అధికార పార్టీ ఎమ్మెల్యే కొడుకు అయితే మాత్రం ఇలా ట్రాఫిక్ ను ఆపేస్తారా? అంటూ నిప్పులు చెరిగారు. ఇంట్లో చేసుకోవాల్సిన వేడుకను ఇలా రోడ్డుపై చేసుకుని తమను ఇబ్బంది పెట్టడం ఏంటని ఆగ్రహం వ్యక్తం చేశారు. పలువురు విద్యార్థులు కూడా వైసీపీ నేత సుపుత్రుడి తీరుపై తీవ్రంగా మండిపడ్డారు.
Tags: Andhra Pradesh, YSRCP East Godavari, District, Birthday Celebrations, On Road, 2 HoursTraffic Jam,chitti babu

దొరికిన బోటు ఆచూకీ.. 200 అడుగుల లోతులో ఉన్నట్టు గుర్తింపు

  • అధునాతన సోనార్ సిస్టంతో కనుగొన్న ఉత్తరాఖండ్ బృందం
  • కాకినాడ నుంచి బోట్లను వెలికి తీసే నిపుణుడు ధర్మాడి సత్యాన్ని పిలిపించిన అధికారులు
  • వెయ్యి మీటర్ల తాడును జారవిడవడం ద్వారా తీసేందుకు యత్నం

తూర్పుగోదావరి జిల్లాలో కచ్చులూరు వద్ద నీట మునిగిన బోటు ఆచూకీ ఎట్టకేలకు లభించింది. నాలుగు రోజుల తర్వాత దాని జాడను కనుగొన్నారు. ఉత్తరాఖండ్ విపత్తు నిర్వహణ బృందం తమ వద్దనున్న అధునాతన సోనార్ వ్యవస్థను ఉపయోగించి బోటు 200 అడుగులో ఉన్నట్టు గుర్తించింది. నిన్న ఉదయం 11 గంటలకు బోటును కనుగొన్నప్పటికీ దానిని బయటకు తీయడం ఎలా? అన్నదానిపై అధికారులు మల్లగుల్లాలు పడుతున్నారు. నేడు వెలికితీత పనులు మొదలుకానున్నాయి.

బోట్లను వెలికితీయడంలో విశేష అనుభవం ఉన్న కాకినాడకు చెందిన మత్స్యకారుడు ధర్మాడి సత్యం, అతడి సహాయ సిబ్బంది 25 మందిని అధికారులు రప్పించారు. వారు ఇందుకు అవసరమైన తాళ్లు, ఇతర పరికరాలతో ఘటనా స్థలానికి చేరుకున్నారు. అయితే, బోటు చిక్కుకున్న ప్రాంతం సుడిగుండాల మధ్య ఉండడంతో సహాయక చర్యలకు వెళ్లే బోట్లను సైతం లోపలికి లాగేసుకునే అవకాశం ఉండడంతో ఆ ప్రయత్నాన్ని విరమించుకున్నారు.

ఇదిలావుండగా, మరోపక్క బోటును వెలికి తీసేందుకు ముంబై నుంచి సాల్వేజ్ అనే ప్రైవేటు సంస్థకు చెందిన నిపుణుడు గౌరవ్ భక్షిని రప్పించారు. ప్రమాద స్థలాన్ని పరిశీలించిన భక్షి.. ఆ ప్రాంతంలో ప్రవాహం చాలా వేగంగా ఉండడం, సుడిగుండాలు ఏర్పడుతుండడంతో సహాయక చర్యలకు వెళ్లే బోట్లను ఎక్కువ సేపు నిలిపి ఉంచడం సాధ్యం కాదని గ్రహించారు. పలుమార్లు చర్చల తర్వాత వెయ్యి మీటర్ల పొడవైన భారీ తాడు అవసరమని నిర్ణయించారు. దీంతో నేడు కాకినాడ నుంచి తాడును తెప్పించనున్నారు. అయితే, జోరున కురుస్తున్న వర్షం, సహకరించని వాతావరణం మధ్య వీరి ప్రయత్నాలు ఏమేరకు సఫలీకృతం అవుతాయోనని అందరూ ఆసక్తిగా ఎదురుచూస్తున్నారు.
Tags: East Godavari, District, Boat Accident, Kakinada Rope

ఆరోగ్య రంగంలో సంస్కరణలపై సీఎం జగన్ కు నివేదిక సమర్పించిన నిపుణుల కమిటీ

  • కమిటీ సభ్యులు, అధికారులతో జగన్ సమీక్ష
  • ఆరోగ్య రంగంలో సంస్కరణలకు జగన్ ఉత్సాహం
  • ప్రజల ఆరోగ్య భద్రతపై సీఎం ప్రత్యేక దృష్టి సారించారన్న మంత్రి అవంతి

రాష్ట్ర ప్రజల ఆరోగ్యం విషయంలో సీఎం జగన్ కొత్త సంస్కరణలు తీసుకురావాలని ప్రయత్నిస్తున్నారు. ఈ క్రమంలో నిపుణుల కమిటీ ఆరోగ్య రంగంలో సంస్కరణలపై జగన్ కు నివేదిక సమర్పించింది. నివేదికలోని అంశాలను అధ్యయనం చేసిన సీఎం జగన్ దానిపై కమిటీ సభ్యులతోనూ, అధికారులతోనూ సమీక్ష నిర్వహించారు.

అటు, ఏపీ మంత్రి అవంతి శ్రీనివాస్ విశాఖలో ఆయుష్మాన్ భారత్ పక్షోత్సవాలను ప్రారంభించారు. జీవీఎంసీ గాంధీ విగ్రహం వద్ద వైద్యులు, విద్యార్థులు, ఆరోగ్య సిబ్బందితో ప్రతిజ్ఞ చేయించారు. గాంధీ విగ్రహం నుంచి నిర్వహించిన అవగాహన ర్యాలీలో పాల్గొన్నారు. ఈ సందర్భంగా అవంతి మాట్లాడుతూ, ప్రజల ఆరోగ్య భద్రతపై సీఎం జగన్ ప్రత్యేక దృష్టి సారించారని తెలిపారు.

devipatnam, tragedy, boat owner ramana ,will face ,though charges

315 అడుగుల లోతులో బోటు… తీయడం తమవల్ల కాదంటున్న నేవీ!

  • గోదావరిలో ఘోర ప్రమాదం
  • నది అట్టడుగుకు చేరిన బోటు
  • తమకు 150 అడుగుల వరకు అనుమతి ఉందంటున్న నేవీ!

గోదావరి పడవ ప్రమాదం అనంతరం భారత నేవీ సిబ్బంది సహాయ చర్యల్లో చురుకుగా పాల్గొంటున్నారు. కాగా, ఈ ప్రమాదంలో మునిగిపోయిన బోటు గోదావరి నదిలో దాదాపు 315 అడుగుల లోతులో ఉన్నట్టు గుర్తించారు. కానీ ఆ బోటును వెలికి తీయడం తమ వల్ల కాదని భారత నేవీ వర్గాలంటున్నాయి. ఇలాంటి ఆపరేషన్లలో సిద్ధహస్తుడిగా పేరుగాంచిన నేవీ అధికారి దశరథ్ సైతం ఇది అసాధ్యం అంటూ తేల్చేయడంతో ఇక ఆ బోటు పరిస్థితి ఏంటన్నది ప్రశ్నార్థకంగా మారింది. గోదావరిలో ప్రస్తుత పరిస్థితుల నేపథ్యంలో తమకు 150 అడుగుల లోతు వరకు వెళ్లేందుకు మాత్రమే అనుమతి ఉందని ఆయన చెప్పినట్టు తెలుస్తోంది.

గతంలో బలిమెల రిజర్వాయర్ లో భద్రతాబలగాల బోటు మునిగిపోగా, దాన్ని సాంకేతిక పరిజ్ఞానం సాయంతో బయటికి తీసుకువచ్చారు. అయితే ఆ బోటు 70 అడుగుల లోతులోనే ఉండడంతో అది సాధ్యమైంది. కానీ, గోదావరి పరిస్థితుల్లో మరింత లోతుకు వెళ్లడం ఏమంత క్షేమకరం కాదని నిపుణులు అభిప్రాయపడుతున్నారు.

ఎబిఎన్ ఆంధ్రజ్యోతి, టీవి 5 ప్రసారాలు పునరుద్ధరించాలి రాష్ట్ర టిడిపి ఉపాధ్యక్షులు గొల్లపల్లి

మీడియా గొంతు నొక్కడం ప్రజాస్వామ్య విరుద్ధం : రాష్ట్ర టిడిపి ఉపాధ్యక్షులు గొల్లపల్లి

  • ఎబిఎన్ ఆంధ్రజ్యోతి, టీవి 5 ప్రసారాలు పునరుద్ధరించాలి
  • రాష్ట్ర టిడిపి ఉపాధ్యక్షులు గొల్లపల్లి
  • ప్రింట్ అండ్ ఎలక్ట్రానిక్ మీడియా అసోసియేషన్ ర్యాలీ

మలికిపురం, సెప్టెంబర్ 17: ప్రజా సమస్యలను వెలుగులోకి తెస్తూ ప్రభుత్వానికి, ప్రజలకు మధ్య వారధిగా నిలుస్తున్న మీడియా గొంతు నొక్కడం ప్రజాస్వామ్య విరుద్ధమని రాష్ట్ర టిడిపి ఉపాధ్యక్షులు, మాజీ మంత్రి గొల్లపల్లి సూర్యారావు వ్యాఖ్యానించారు. ఎబిఎన్ ఆంధ్రజ్యోతి, టివి 5 ఛానళ్ళపై ప్రభుత్వ ఆంక్షలకు నిరసనగా రాజోలు నియోజకవర్గ ప్రింట్ అండ్ ఎలక్ట్రానిక్ మీడియా అసోసియేషన్ ఆధ్వర్యంలో మంగళవారం నాడు మలికిపురంలో ర్యాలీ నిర్వహించారు. అంబేద్కర్, ఫూలే భవన్ వద్ద భారత రాజ్యాంగ నిర్మాత అంబేద్కర్ విగ్రహానికి వినతిపత్రం అందించిన జర్నలిస్టులు ఊరేగింపుగా తహసిల్దారు కార్యాలయానికి వెళ్లి మీడియాపై ఆంక్షలు ఎత్తివేయాలని తహసిల్దారు వివిఎల్ నరసింహరావుకు విజ్ఞప్తి చేశారు.

ఈ ఆందోళనకు సంఘీభావం తెలిపిన మాజీ మంత్రి గొల్లపల్లి మాట్లాడుతూ జగన్ పాలన నియంతృత్వాన్ని తలపిస్తోందని ఆరోపించారు. ప్రభుత్వ తప్పులను ప్రశ్నిస్తే వేధింపులకు పాల్పడటం ముఖ్యమంత్రి జగన్మోహన రెడ్డికి అలవాటుగా మారిందని విమర్శించారు. ప్రతిపక్ష పార్టీలపై కక్ష సాధింపు చర్యలతో మొదలైన దాడి ఇప్పుడు మీడియా వరకూ వచ్చిందని చెప్పారు. చిన్న, మధ్యతరహా పత్రికల సంఘం రాష్ట్ర ప్రధాన కార్యదర్శి బోళ్ళ సతీష్ బాబు మాట్లాడుతూ పత్రికలు, ఛానెళ్లు తప్పు చేస్తే చర్యలు తీసుకునే అధికారం ప్రభుత్వానికి ఉందని, అయితే ప్రభుత్వ తప్పులను ప్రశ్నిస్తే వేధించడం సమంజసం కాదని అన్నారు. ఎమర్జెన్సీ రోజులను తలపించేలా పత్రికలను, మీడియా సంస్థలను వేధిస్తే సహించేది లేదని హెచ్చరించారు. రాష్ట్ర వ్యాప్తంగా మీడియా సంఘాలను ఏకతాటిపైకి తెచ్చి ఉద్యమిస్తామని హెచ్చరించారు.

రాజోలు వ్యవసాయ మార్కెట్ కమిటి మాజీ ఛైర్మన్ కాకి లక్ష్మణ్, తూర్పుగోదావరి జిల్లా తెలుగు యువత కార్యనిర్వాహక కార్యదర్శి బోళ్ళ వెంకట రమణ, మలికిపురం మండల టిడిపి అధ్యక్షుడు అడబాల యుగంధర్, కార్యదర్శి రాపాక నవరత్నం, ఆత్మ మాజీ ఛైర్మన్ అడబాల సాయిబాబు, టిడిపి నాయకులు పిండి సత్యనారాయణ, రుద్రరాజు శ్రీనివాసరాజు తదితరులు జర్నలిస్టుల ఆందోళనకు సంఘీభావం తెలిపారు. జర్నలిస్టు సంఘాల ప్రతినిధులు షర్కిల్, దొమ్మేటి శ్రీనివాస్, మొల్లేటి వెంకటేశ్వరరావు, కొండలరావు, గోపరాజు జవహర్లాల్, చెల్లుబోయిన మితేష్, పిల్లా వరప్రసాద్, రాపాక ప్రభుశేఖర్, కారుపల్లి శ్రీనివాస్, కుంపట్ల బాబి, గుబ్బల గౌతమి, సికిలే వెంకటేశ్వరరావు, ఆరేటి చంటి తదితరులు పాల్గొన్నారు.

జల దిగ్బంధంలో మహానంది… దర్శనాలు రద్దు!

  • నిన్న రాత్రి నుంచి భారీ వర్షం
  • నీట మునిగిన పంచ లింగాలు
  • నంద్యాలతో రాకపోకలు కట్

గత రాత్రి నుంచి కర్నూలు జిల్లాలో కొలువైన స్వయంభూ మహా నందీశ్వర క్షేత్రంలో కురుస్తున్న ఎడతెరిపి లేని వర్షాలకు, ఆలయం జల దిగ్బంధంలో చిక్కుకుంది. మహానందిలోని మూడు కోనేర్లూ నిండిపోయి, నీరు ఎగువకు ప్రవహించి, లోతట్టు ప్రాంతాలను జలమయం చేసింది. వందలాది ఎకరాల్లోని అరటి తోటల్లోకి నీరు ప్రవేశించింది.

ఆలయంలో మొదటి, రెండో ప్రాకారంలోకి ప్రవేశించిన వరద నీరు, ఆపై పంచలింగాల మంటపాన్నీ ముంచెత్తగా, ఆలయ అధికారులు దర్శనాలు రద్దు చేశారు. రుద్రగుండం కోనేరులో వరద ఉద్ధృతికి పంచలింగాలూ మునిగిపోయాయి. మరోవైపు పాలేరు వాగు ఉద్ధృతితో నంద్యాల – మహానంది మధ్య రాకపోకలు నిలిచిపోయాయి. వరద నీరు తగ్గే వరకూ భక్తులు ఆలయానికి రావద్దని అధికారులు విజ్ఞప్తి చేస్తున్నారు.