kcr, hareesh rao wife, trs party

రాజకీయాల్లోకి హరీశ్ రావు భార్య శ్రీనిత: కేసీఆర్ అన్న కుమార్తె ఆసక్తికర పోస్ట్!

మరో నాలుగు నెలల కాలంలో సిద్ధిపేటకు ఉప ఎన్నికలు జరుగుతాయని, ఈ ఎన్నికలో తన్నీరు హరీశ్ రావు భార్య శ్రీనిత బరిలోకి దిగడం ద్వారా రాజకీయాల్లోకి వస్తారని సీఎం కేసీఆర్‌ అన్న కుమార్తె, టీపీసీసీ అధికార ప్రతినిధి ఆర్‌ రమ్యారావు ఆసక్తికర పోస్టును పెట్టారు. కాంగ్రెస్ కు చెందిన వాట్స్ యాప్ గ్రూప్ లో ‘తాజా తెలంగాణ’ హెడ్డింగ్ తో ఆమె ఈ పోస్ట్ పెట్టారు.

“మరో 4 నెలల్లో సిద్ధిపేటకు బై ఎలక్షన్‌. ఎమ్మెల్యేగా పోటీ చేయనున్న తన్నీరు శ్రీనిత” అంటూ ఆమె పేర్కొన్నారు. కాగా, సిద్ధిపేట అసెంబ్లీ నియోజకవర్గానికి హరీశ్ రావు ప్రాతినిధ్యం వహిస్తున్న సంగతి తెలిసిందే. హరీశ్ రావును పార్లమెంట్ కు పంపాలని కేసీఆర్ భావిస్తున్నారంటూ వార్తలు వస్తున్న నేపథ్యంలో రమ్యారావు పోస్టుకు రాజకీయ ప్రాధాన్యం ఏర్పడింది. ఆమె పోస్టుపై ఇప్పుడు తెలంగాణలో కొత్త చర్చ మొదలైంది.
Tags: kcr, hareesh rao wife, trs party

Leave a Reply

Your email address will not be published. Required fields are marked *