ramcharan, award dedicated to, fan, ahmmed

అవార్డును అభిమానికి అంకితం చేసిన రామ్ చరణ్.

హీరో రామ్ చరణ్ అభిమానుల పట్ల తన కుండే ప్రేమ, గౌరవాన్ని తన చర్యల ద్వారా చాటుకుంటున్నాడు. ఇటీవల మరణించిన మెగా ఫ్యామిలీ అభిమాని నూర్ అహ్మద్ కుటుంబానికి పది లక్షల ఆర్థిక సాయం ప్రకటించిన రామ్ చరణ్, నేడు ఓ ప్రముఖ వేదిక సాక్షిగా ఆ అభిమానిని గుర్తు చేసుకోవడమే కాకుండా తనకు వచ్చిన అవార్డుని అతనికి అంకితమిచ్చారు. బిహైన్డ్స్ ది వుడ్స్ గోల్డ్ మెడల్ అవార్డ్స్ లో భాగంగా తెలుగు నుండి రామ్ చరణ్ పీపుల్స్ ఎంటర్టైనర్ ఎక్స్ లెన్స్ అవార్డుకు ఎంపికయ్యారు. ఈ అవార్డ్ ని అందుకున్న రామ్ చరణ్ హఠాత్ మరణం చెందిన నూర్ అహ్మద్ కి అంకితం ఇచ్చారు.

ఇక ప్రస్తుతం రామ్ చరణ్ రాజమౌళి తెరకెక్కిస్తున్న ఆర్ ఆర్ ఆర్ మూవీలో నటిస్తున్నారు. రామ్ చరణ్ ఈ చిత్రంలో అల్లూరి సీతారామరాజు పాత్ర చేస్తుండగా మరో హీరో ఎన్టీఆర్ కొమరం భీం గా నటిస్తున్న సంగతి తెలిసిందే. ఈ చిత్ర తాజా షెడ్యూల్ విశాఖ ఏజెన్సీ లో మొదలైంది. ఎన్టీఆర్ పై కొన్ని కీలక సన్నివేశాలు చిత్రీకరించనున్నారని సమాచారం. డీవీవీ దానయ్య ఈ చిత్రాన్ని నిర్మిస్తుండగా వచ్చే ఏడాది జులై 30న విడుదల కానుంది.
Tags: ramcharan, award dedicated to, fan, ahmmed
Ram charan Emotional Comments About His Big Fan Noor Ahmed

Leave a Reply

Your email address will not be published. Required fields are marked *